EMBOLA

EMBOLA

Graeca vox Ε᾿μβολὴ, in genere transvectio mercium est, quae in anvem ἐμβάλλονται, iniciuntur; In specie sic dicta est olim sollennis et annua publicarum specierum transvectio, quae ex Aegypto fiebat; onus navium Alexandrinarum, quae αἰσία ἐμβολὴ, in Edicto Iustiniani 13. c. 4. §. 1. et sacra embola dicitur, in l. 10. Cod. de Sacros. Eccles. et Nov. 163. c. 2. Et quidem Embola sacra appellabatur primitus certus frumenti modus, quem necessario Romae subministrabat Aegyptus, iam Augusti aevo: unde ab eius temporibus frequens apud vett. Scriptores Alexandrinae classis mentio. Post Augustum multi Principes cum circa hanc classem aliquid innovassent, Aurelianus quoque frumentis Aegyptiacis alias species adiecit, quae pars embolae sacrae censerentur. Fl. Vopisc. in Vita eius, Vectigal ex Aegypto urbi Romae Aurelianus vitri, chartae, lini stupae atque anabolicas species aeternas constituit. Ubi anabolicas species cum embolicis easdem esse, docet Salmas. Vide supra in Anabolicae. Postea id videtur iterum mutatum: nam sacram embolam Graeci Iurecoss. nominant τὸν τῆς αισίας ἐμβολῆς σῖτον felicis embolae frumentum. Vide Casaubon. et Salmas. ad Vopisc. nec non infra Eutycheum. Aliud est ἐμπολὴ et ἐμπολᾷν, nundinae nempe et emere: quamvis Αιγυπτιαν ἐμπολην`. Euripides vocat merces Alexandrinas vel Aegyptiacas, minutas illas variasqueve, unguenta, colores vitra, pupas et imagunculas puellarum, alias, quas qui vendebant, ῥωποπῶλαι et γελγοπν̑λαι, Graecis, atque etiam παιτοπῶλαι, nonnumquam dicti sunt;

quod omne genus merces promercales haberent. Idem Salmas. Sed et embolas parembolas paratheses et Systases, Luctae veteribus terminos fuisse, dicemus infra in verbo Stare.